سلبياتــ الشعبــ المصريـــ

اولا الموضوع دا شفته على الفيس بوك وعجبنى اوى فحبيت أجيبهلكمـ ش
ندخل فى الموضوع بقى
ديه مجرد معلومات عن سلبيات المصريين ويمكن متكونش سلبيات اوي ولكنها اصبحت عادات
عاوزين ننقاش العادات دى ونضحكـ شوية
ونضيف فيه سلبياتنا يمكن تكون معظم السلبيات ديه تموتنا من الضحك بس لازم ننقشها ونعرف ازاي نحلها او نتلاشها
المصري هو اللي لما الكمبيوتر او الموبيل بتاعه بيبوظ لا لازم يفتحه وهو عنده امل انه هيعرف يصلحه
المصري هو اللي لما ينسي الموبيل بتاعه في البيت لا لازم يرجع يجيبه مع انه عاش معظم فترات عمره من غير موبيل
المصري هو اللي بيكت علي يفط المحلات بتاعته اقذر الاسماء او اغربها املا في رزق اكتر
المصري هو اللي متعته الوحيده ان بعد ما ياكل اي حاجه معلبه لازم لازم يرمي العلبه في الشارع حتي لو في سله مهملات ادامه
المصري هو اللي متعته الوحيده انه يركن في اماكن مكتوب فيها ممنوع الركن هنا او يقعد في اماكن مكتوب عليها ممنوع الجلوس
المصري هو اللي نسي تعليمات المرور وبقا من رابع المستحيلات انه يبص علي لون الاشاره
المصري هو لما لاعب زي زيدان يقص قصه لازم لازم يقصها زيه في شعره
المصري هو اللي لما تساله سؤال ميقدرش يقولك معرفش ده عيب في حقه لازم لازم لازم لازم يفتي و يألف
المصري هو اللي لما يجيب جرنان يفتح اول حاجه صفحه الرياضه
المصري هو اللي لما يفتح زجاجه بيبسي وبعد مايخلصها لازم يرمي جواها كيس مستحيل يطلع تاني من الازازه
المصري هو اللي اول ما الشب يتم 14 سنه عيب لا ده عيب اوي خالص انه ميشربش سيجاره ده مستحيل ميبقاش راجل
المصري هو اللي يتفنن انه يولع السجاير في المناطق الكتمه علشان يخنق الناس او حتي يولع في الاماكن اللي مكتوب فيها ممنوع التدخين
المصري هو اللي لما يعمل يفطه لاي حاجه لازم يحط عليها صوره مبارك
المصري هو اللي يشوف اي مسئول في التلفزيون يبقا هاين عليه يكسر التلفزيون اول ما يشوفه علي الحقيقه يبقي هاين عليه ي 40
المصري هو اللي بيكت علي عربيته no women no cry
المصري هو اللي لما اتنين يتخنقوا مع بعض لازم لازم الاتنين يقولو لبعض انت مش عارف انت بتكلم مين؟؟؟؟؟!!!!ن
المصري هو اللي مش سايب كوبري في مصر واحد الا و يتبول تحته
المصري هو اللي اول ما يشوف مجنون او مريض نفسي لازم لازم يفضل يكره في عيشته لحد ما يتجنن اكتر
المصري هو اللي بيموت في سعد الصغير وبعرور و بيتسلطن اوي لما يسمعهم
المصري هو اللي اول مايشوف اجانب مشيين في الشارع لازم لازم يقولوه الكلمتين اللي حافظهم hello how r u?
المصري هو اللي بيحط علي الموبيل بتاعه صوره اليسا او هيفاء
المصري هو اللي لما يتمنع من دخول مكان معين ينط من علي السور
المصري هو اللي ......ي
المصري هو اللي ......ي
يالا كل اللي شايف ان في سلبيات يقولها
بس لازم يقول قبلها المصري هو اللي
او اللي عنده موقف حصل قدامه من السلبيات ديه يحكيها
عايزين نضحك علي نفسنا او نناقش سلبيتنا ونحلها علشان منضحكش الناس علينا
ए